Diewe het elektroniese toebehore wat hulle van ’n liefdadigheidsorganisasie gesteel het teruggegee met ’n briefie daarby waarin hulle verskoning vra.
Die diewe het ses rekenaars met hardeskywe, ’n skootrekenaar en ’n sak met waardevolle items van die hulporganisasie Sexual Assault Services Centre in San Bernadino, Kalifornië, gesteel. Daarna het hulle dit terugbesorg en ’n briefie gelos waarin hulle jammer sê.
Daarin staan: “Ons het geen idee gehad wat ons geneem het nie. Vat jul goed terug. Ons hoop julle ouens sal aanhou om ’n verskil in mense se lewens te maak. God seën.”
Lt. Paul Williams van die San Bernardino-polisiediens het aan NBC Los Angeles gesê: “Dis die eerste keer in my loopbaan dat ek sien dat gesteelde goedere teruggegee word. Dit lyk of skuldgevoelens dit veroorsaak het.”