Onthou om die peuselstokkies te verwyder sodra die hoender uit die oond kom.
Genoeg vir 4-6 mense
Bereiding: 20 minute
Gaarmaaktyd: 30-40 minute
8 groot hoenderborsies (sien wenk)
sout en vars gemaalde swartpeper
sap en skil van 2 groot suurlemoene
30 ml (2 e) olyfolie
30 ml (2 e) botter
60 ml (¼ k) grasuie
3 knoffelhuisies, fyn gekap
125 g spekvleis, in stukkies gesny
250 g growwe maaskaas
olyfolie
10 baba-aartappels, gehalveer
spinasie om mee voor te sit
Voorverhit die oond tot 200 °C.
- Geur die hoenderporsies met sout en peper en die skil en sap van een van die suurlemoene.
- Verhit die olie en botter en braai die grasuie, knoffel en spek tot bros en gaar. Geur met sout en peper. Laat afkoel en meng met die maaskaas.
- Lig die vel van elke borsie aan die een kant op en ontbeen elke borsie.
- Verdeel die vulsel tussen die borsies, skep dit bo-op die vleis en trek die los vel oor die vulsel. Steek vas met ’n peuselstokkie.
- Rangskik die borsies in ’n oondbak, voeg die aartappels by en bedruip met olyfolie en die sap en skil van die ander suurlemoen. Bak 10 minute. Verlaag die hitte tot 180 °C en bak nog 30 minute of tot gaar. Druk die aartappels effens plat met ’n vurk.
- Sit voor saam met spinasie.
WENK
Koop groot hoenderborsies met die ribbebeen aan, lig die vel liggies op en sny die ribbebene af; so bly ’n groot stuk vel oor wat jy oor die vulsel kan vou.