Broodpoeding in ‘n fles

Genoeg vir 4-6 mense
Bereiding: 15 minute
Gaarmaaktyd: 35-40 minute

1 witbrood, korsies afgesny
60 ml (¼ k) botter, gesmelt
500 ml (2 k) vars of bevrore bessies
2 Bar-One-sjokolades, in skyfies gesny

VLA
500 ml (2 k) melk
4 eiers
125 ml (½ k) suiker
sout en peper

Voorverhit die oond tot 180 °C.

1. Verf die snye brood aan weerskante met die botter. Druk twee snye brood in twee groot of vier klein flesse. Besprinkel met ’n paar bessies en sjokoladeskyfies, druk weer twee snye brood bo-op en herhaal met die res van die bestanddele. Eindig met die bessies en sjokolade.
2. Vla Klits al die bestanddele en giet versigtig oor die broodpoedings. Maak vol tot die brood al die vlamengsel opgesuig het.
3. Maak ’n oondbak halfvol met kookwater, plaas die flesse versigtig daarin en bak 35-40 minute of tot die vla stol.