Bekommerd dat sosatievleis nie eweredig gaar word nie? Maak dit dan in ’n riffelpan gaar voor jy dit aan die stokkies ryg.
Maak 6-8 sosaties
Bereiding: 5 minute
Marineertyd: 1 uur
Gaarmaaktyd: 10 minute
125 ml (½ k) balsemieke asyn
60 ml (¼ k) suiker
sap van 1 lemoen
sout en peper
500 g varklende, in blokkies gesny
1 appel, in blokkies gesny
6 klein uitjies, gehalveer en kookwater oorgegiet
- Meng die asyn, suiker, sap, sout en peper in ’n bak.
- Voeg die varkvleis by en plaas ’n uur in die yskas.
- Laat week 6-8 sosatiestokkies in water.
- Plaas die vleis saam met die marinade in ’n kastrol oor matige hitte en laat die marinade afkook tot dit effens verdik.
- Ryg die vark, appelblokkies en uie aan die stokkies en braai sowat 5 minute in ’n riffelpan.
- Sit saam met bruinrys voor.