’n Bietjie Dave Matthews, ’n strelende John Legend, Miley en die kat – ons musiekblogger Ian Bredenkamp speel ’n liedjie vir elke dag van jou werkweek.
Regsom van bo: MIley by die AMA’s, John Legend en die Dave Matthews Band.
Maandag
Dit gons in Suid-Afrika oor die Dave Matthews-konserte. Die gebore Durbaniet het dié naweek twee uitverkoopte konserte in Kaapstad gehou en môreaand is hy in Johannesburg. Kyk na sy Dreamgirl-video – dis ’n paar jaar oud en Julia Roberts het ’n rolletjie daarin.
Dinsdag
Miley Cyrus het die wêreld verlede week by die American Music Awards laat regop sit met ’n nuwe weergawe van haar liedjie Wrecking Ball waarin daar ’n kat verskyn! Kyk ’n bietjie.
Woensdag
John Legend is terug met ’n nuwe ballade, All of Me, wat op al die radiostasies te hoor is. Dis Legend op sy beste – net stem en klavier.
Donderdag
Will Smith was een van die wêreld se gunsteling-popsterre . . . nou lyk dit of hy rolprente verkies. Donderdae is oudedoos-dae en hier is sy treffer uit 1998, Gettin’ Jiggy Wit It.
Vrydag
Kom ons gly die naweek binne met ’n bietjie Drake. Hold On, We’re Going Home saam met Majid Jordan is ’n R&B-liedjie met ’n retroklank en is op die oomblik boaan die SA trefferlyste.
- Ian
Ian Bredenkamp is gek oor musiek! Hy bied ’n daaglikse program op 94.5 Kfm aan en behartig musieknuus vir 567 Cape Talk en Eyewitness News. Volg hom op Twitter by @IanBredenkamp.