Yolande de Bohmer het hierdie maklike hoenderresep vir ons gestuur. Dis ’n ideale resep as daar ’n jongeling in die huis is wat wil begin leer hoe om kos te maak.
Genoeg vir 6 mense
Bereiding: 5 minute
Gaarmaaktyd: 40-45 minute
1 kg hoenderporsies (dytjies en boudjies)
sout en vars gemaalde swartpeper
1 blik (410 g) chakalaka
125 ml (½ k) goeie mayonnaise of slaairoom
5 ml (1 t) bruinsuiker
125 ml (½ k) melk of natuurlike jogurt
60 ml (¼ k) koekmeel
150 ml hoenderaftreksel
Voorverhit die oond tot 180 °C.
Spuit ’n bak met kossproei.
- Geur die hoender met sout en peper en pak dit in die bak.
- Meng die res van die bestanddele en giet bo-oor.
- Bak 40-45 minute tot gaar en goudbruin.
- Sit voor met jasmynrys en ’n avokadoslaai.
Avokadoslaai: Plaas ’n paar gaar aspersies op ’n bord met avokadoskywe bo-op, sprinkel gekapte mentblare bo-oor, druk lemmetjies bo-oor uit, drup ’n bietjie olyfolie oor en sprinkel sout oor.