’n Vrou van 91 en haar 102-jarige verloofde sal die oudste pasgetroudes ter wêreld word wanneer hulle na verwagting in Junie trou.
George Kirby and Doreen Luckie to become world's oldest bride and groom: http://t.co/AT0elQanyI pic.twitter.com/HjGKlYbMSE
— Western Daily Press (@WesternDaily) April 24, 2015
George Kirby en Doreen Luckie van Eastbourne, Oos-Sussex in die suide van Engeland, gaan ná 27 jaar saam eindelik afhaak nadat hul bejaarde kinders gesê het dis hoog tyd dat hulle ernstig raak.
George en Doreen gaan op 13 Junie in hul woonplek, Langham Hotel, in Eastbourne trou.
“Ek het nie op een knie afgesak nie, want ek het gedink ek sou nie weer kon opstaan nie,” het George gesê.
Doreen was verras toe sy hoor sy en haar aanstaande kan dalk ’n rekord verbeter.
“Ek het nie gedink dit is moontlik nie, want jy hoor deesdae van so baie mense wat tot in hul 90’s leef. Ek het gedink ons kan tog seker nie al wees nie.”
Die twee het mekaar in 1988 ontmoet deur ’n organisasie wat seniors help vriende vind.
George en Doreen gaan op 13 Junie in hul woonplek, Langham Hotel, in Eastbourne trou. Die hotel in Oos-Sussex behoort aan George se seun.
Bronne: metro.co.uk, time.com, abcnews.go.com