Bulgurslaai in soetpatats

GENOEG VIR 4 MENSE
Bereiding: 10 min.
Gaarmaak: 1 uur

4 soetpatats, skoongeskrop
SLAAI
375 ml (1½ k) bulgur
2 Granny Smithappels, in dun skyfies gesny
1 rooi-ui, gekap
30 g gemengde slaaiblare
VINAIGRETTE
45 ml (3 e) olyfolie
45 ml (3 e) appelasyn
5 ml (1 t) Dijonmosterd
2 ml (½ t) suiker
sout en vars gemaalde peper

Voorverhit die oond tot 190 °C.

1. Draai die patats in tinfoelie toe en bak ongeveer 1 uur in die oond, of tot gaar.
2. Slaai Sit die bulgur in ’n glasbak en bedek met kookwater. Maak toe met kleefplastiek en laat staan 15 min. of tot uitgeswel. Haal die kleefplastiek af en vlok met ’n vurk. Laat ’n bietjie afkoel.
3. Vinaigrette Klits al die bestanddele saam en meng deur die bulgur. Geur met die sout en peper.
4. Meng die res van die slaaibestanddele deur die bulgur.
5. Sny ’n gleuf in elke patat en maak liggies oop. Skep van die slaai in elke patat en sit voor saam met Griekse jogurt.