Verneukte bruid sny haar man se penis af . . . twee keer

Toe Feng Lung (21) van China uitvind haar man, Fan Lung (32), stuur gewaagde e-posse aan ’n ander vrou vanaf haar selfoon, was die gort gaar. Net daar gryp sy ’n skêr, storm hul slaapkamer binne waar haar man lê en slaap, en knip sy penis af.

Fan is inderhaas hospitaal toe gebring waar dokters daarin kon slaag om sy penis vas te werk. Maar nog was dit het einde niet. Terwyl hy in die hospitaal herstel het, het sy vrou sy kamer binnegeglip en sy penis ’n tweede keer afgesny, waarna sy dit blykbaar by die hospitaalvenster uitgegooi het.

’n Erg geskokte Fan het sy vrou net daar agternagesit. Hospitaalpersoneel het hom in die straat aangetref met bloed wat teen sy been afstroom terwyl hy besig was om sy vrou aan te rand.

Dis toe dat hulle sien hy is weer sy penis kwyt. Ten spyte van ’n uitgebreide soektog, kon Fan se geslagsdeel nie opgespoor word nie. Daar word gevrees ’n rondloperkat of -hond het dit opgeëet.

Intussen sê Fan se nuwe meisie, Zhang Hung (21), sy gee nie om dat hulle nie kinders sal kan hê nie. “Dit maak nie saak nie. Hy het reeds vyf.”

Bronne: www.nypost.com, www.people.com