Genoeg vir 4 mense
Bereiding: 20 min.
Verkoel: 15 min.
Gaarmaak: 15 min.
SNOEKKOEKIES
heel gaar snoek, grate verwyder en gepluis
2 snye brood, korsies verwyder en in water geweek
10 g vars pietersielie, gekap
5 stingeluie, gekap
20 ml (4 t) suurlemoensap
60 ml (¼ k) soet brandrissiesous
1 eier
sout en peper
45 ml (3 e) olie
NOEDELS
500 g spaghetti of vermicellinoedels
45 ml (3 e) sojasous
10 g koljanderblare, grof gekap
15 ml (1 e) sesamsaadjies, gerooster
- Snoekkoekies Meng al die bestanddele vir die viskoekies behalwe die olie. Vorm koekies, pak op ’n bord en verkoel minstens 15 min.
- Verhit die olie en braai die koekies aan albei kante tot goudbruin. Dreineer op kombuispapier indien nodig.
- Noedels Kook die spaghetti of vermicelli tot al dente en dreineer.
- Meng die sojasous en koljander deur die noedels.
- Sit die koekies voor op die noedels en sprinkel die sesamsaadjies oor.
‘n Nog goedkoper opsie sou wees om die snoek te vervang met 2 x 170 g-blikkies tuna.