Jy het nie ’n oond nodig nie. Maak net plek in die yskas en probeer geduldig wees terwyl dit set.
Genoeg vir 4-6 mense
Bereiding: 20 min
Verkoel: 4 uur
176 g Oreo-koekies, verdeel
60 g botter, gesmelt
250 g roomkaas, versag
200 ml strooisuiker
5 ml (1 t) vanielje-ekstrak
250 ml (1 k) room, liggies geklits
ekstra Oreo-koekies vir versier (opsioneel)
Smeer ’n 20 cm-koekpan.
- Kap 12 van die verdeelde koekies grof op en sit eenkant.
- Maak die res van die koekies in ’n verwerker of met ’n rolstok fyn, meng die botter in en druk op die bodem van die die bereide bakpan vas. Verkoel in die yskas terwyl jy die vulsel berei.
- Klits die roomkaas, strooisuiker en vanielje-ekstrak in ’n groot bak met ’n elektriese klitser tot glad. Roer die room en gekapte koekies sagkens in en smeer op die verkoelde kors.
- Verkoel in die yskas 4 uur of tot ferm. Versier met ekstra koekies as jy wil.
Deur Hope Malau
Foto: Jacques Stander