Genoeg vir 4-6 mense
bereiding: 20 min.
gaarmaaktyd: 15-20 min.
500 g dik boerewors
250 g streepspek
250 g ontpitte
pruimedante
pas gemaalde swartpeper
As jy houtsosatiestokkies gebruik, onthou om dit eers in water te week om te voorkom dat dit brand.
- Sny die wors in 15-20 cm-stukke.
- Steek ’n sosatiestok deur een punt van ’n stuk wors.
- Draai spek om twee pruimedante en ryg langs die stuk wors op die sosatiestok.
- Steek die sosatiestok deur die ander punt van die wors sodat dit ’n halfmaan om die pruimedante vorm.
- Herhaal met al die stukke wors.
- Geur met die peper en braai op warm kole. Draai gereeld tot dit gaar is.