Maak die peri-peri-sous ’n dag of twee vooraf as jy kan; dit raak sterker en smaakliker as ’n mens dit laat staan
Genoeg vir 4-6
Bereiding: 10 min.
Staan: 30 min.
Gaarmaak: 15 min.
PERI-PERI-SOUS
30 ml (2 T) rooiwynasyn
Sap van ½ suurlemoen
4 rooi rissies, gekap
3 knoffelhuisies, afgeskil
2 ml (½ t) rissiepoeier
5 ml (1 t) rooipeper
10 ml (2 t) sout
125ml (½ k) olyfolie
HOENDER
8 hoenderborsfilette, in repies gesny
1 blik (410 g) kekerertjies, gedreineer
1 blik (400 g) artisjokharte, gedreineer
1 bossie kruisement, gekap
- Peri-peri-sous: Versap die asyn, suurlemoensap, rissies, knoffel, rissiepoeier, rooipeper en sout in ’n menger tot ’n gladde pasta. Voeg geleidelik die olie by terwyl die menger nog aangeskakel is.
- Hoender: Meng die hoender in ’n groot nie-metaal bak met die helfte van die peri-peri-sous. Bedek en plaas vir minstens 30 minute in die yskas. Druk die hoenderstukke deur vleispenne.
- Voorverhit ’n pan oor matige hitte. Maak die hoendersosaties gaan, draai om soos nodig en smeer met oorblywende peri-peri-sous vir 12 minute of tot die hoender gaar en liggies gebrand is op plekke. Haal dit uit die pan.
- Voeg die kekerertjies en artisjokke in die pan en verhit. Roer die gekapte kruisement in voor jy dit bedien.
- Rangskik die sosaties op ’n bord. Bedien saam met die kekerertjies en artisjokke, ’n groen slaai, platbrode en ’n sous van jou keuse.
Hope Malau