Honda Suid-Afrika het bevestig ’n klein aantal CR-V-, Accord-, Civic- en Jazz-motors wat tussen 2001 en 2003 vervaardig is, is toegerus met potensieel ontplofbare passasierlugsak-pompe van Takata.
Hulle sê as ’n geaffekteerde lugsak ontplooi, kan die pomp uitermate interne druk opbou. Die pomp kan dus skeur en moontlik metaalfragmente uitstoot wat die voorruit kan tref of ondertoe in die passasier se voetholte beweeg, wat beserings kan veroorsaak.
Honda Suid-Afrika sê hulle gaan die eienaars van die betrokke voertuie kontak en vra om hul motor vir inspeksie in te bring.
Bel Honda Suid-Afrika by 0800-466-321 as jy bekommerd is dat jou motor ook hierdeur geraak word.
BRON: Motoring.co.za