Lewer 10
Bereiding: 15 min.
Gaarmaak: 30 min.
500 ml (2 k) meel
10 ml (2 t) bakpoeier
2 ml (½ t) sout
45 ml (3 e) strooisuiker
200 ml (¾ k) melk
1 eier
30 g botter, gesmelt
botter of olie vir smeer
SJOKOLADEFUDGE
250 ml (1 k) versiersuiker
125 ml (½ k) bruinsuiker
80 ml (⅓ k) kakaopoeier
15 ml (1 e) meel
’n knippie sout
400 g ingedampte melk
250 ml (1 k) water
20 g botter
5 ml (1 t) vanielje-ekstrak
- Sif die meel, bakpoeier, sout en strooisuiker in ’n bak.
- Klits die melk en eier saam in ’n aparte bak en meng dan die gesmelte botter in.
- Giet die vloeistofmengsel in die meelmengsel en klits met ’n vurk tot glad. Sit 10 minute eenkant.
- Verhit ’n klein, kleefvrye pan oor matige hitte en smeer met ’n bietjie botter of olie net vir die eerste plaatkoekie. Sodra dit warm is, voeg ’n skeplepel beslag in en bak tot die bokant begin borrel. Keer om en bak tot dit weerskante verbruin het. Herhaal met die oorblywende beslag.
- Sjokoladefudge: Plaas die versiersuiker, bruinsuiker, kakaopoeier, meel en sout in ’n kastrol. Voeg die ingedampte melk, water en botter by en bring tot kookpunt terwyl jy 5 minute aanhoudend roer.
- Verwyder van die hitte en laat afkoel. Roer die vanielje-ekstrak in en sit voor oor die plaatkoekies.