Liezl Frauendorf van Johannesburg het hierdie resep met ons gedeel.
GENOEG VIR 8-10 MENSE
Bereiding: 20 minute
Verkoeltyd: 4 uur
1 pakkie (176 g) Oreo-koekies (36), fyn gekrummel
90 ml (6 e) botter, gesmelt
250 g roomkaas
30 ml (2 e) melk
60 ml (¼ k) suiker
250 ml (1 k) kunsroom
1 boksie (90 g) sjokoladekitspoeding
400 ml koue melk
sjokoladekrulle
- Meng die koekiekrummels met die gesmelte botter en druk dit op die bodem van ’n ronde glasbak vas. Plaas in die yskas.
- Meng die roomkaas met die 30 ml melk en suiker en meng goed. Roer 125 ml (½ k) van die kunsroom by en smeer die mengsel oor die koekiekrummelkors. Verkoel.
- Meng die sjokoladekitspoeding met die 400 ml melk en klits tot die mengsel begin verdik. Skep en smeer versigtig
- oor die roomkaasmengsel. Verkoel minstens 5 minute.
- Klits die res van die kunsroom styf en smeer oor die sjokoladelaag. Sprinkel die sjokoladekrulle oor.
- Plaas 1 uur in die vrieskas of 4 uur in die yskas tot stewig.