Frikkie du Preez en Christoff Becker, twee van die sogenaamde Waterkloof-vier, moet nou brood bak in die Kgosi-Mampuru-gevangenis berig Rapport.
Dié twee veroordeelde moordenaars word ook glo in ʼn gemeenskaplike sel aangehou.
Volgens Rapport het ʼn woordvoerder van Korrektiewe Dienste het gesê dis nog te vroeg om te sien hoe hul rehabilitasie vorder.
Rapport het ook berig dat Becker glo nou moet toustaan om die betaalfoon te gebruik – soos wat die normale tronkgebruik is.
Becker en Du Preez se parool is herroep nadat ʼn video aan die lig gekom het waar hulle partytjie in die tronk hou. In die video het hulle alkohol gedrink en ʼn selfoon gebruik.
Vier tronkwagte moet nog voor ʼn dissiplinêre verhoor verskyn oor hul aandeel in die voorval.