Die sampioenroomsop in die tradisionele resep word vervang deur jogurt – dis gesonder.
Genoeg vir 4 mense
Bereiding: 10 min
Gaarmaak: 20 min
SOUS
125 ml (½ k) mayonnaise
250 ml (1 k) Griekse of
natuurlike jogurt
15 ml (1 e) kerriepoeier
sout en peper
PASTEI
750 ml (3 k) gaar rys (250 ml rou)
4-6 hoenderborsfilette of 1 heel hoender, gaar en gepluis
400 g broccoli, gestoom
250 g filodeeg
30 ml (2 e) botter, gesmelt
Voorverhit die oond tot 180 °C.
- Sous Meng al die bestanddele en geur met die sout en peper.
- Pastei Pak die helfte van die rys, hoender en broccoli in lae in ’n oondbak. Skep die helfte van die sous oor, herhaal die lae en eindig met die sous.
- Breek die filodeeg in stukke en frommel op.
- Pak die deeg styf teen mekaar op die vulsel. Verf liggies met die botter en bak 20 min. tot deurwarm en tot die filodeeg bros is.