Quantcast
Channel: Huisgenoot
Viewing all 9424 articles
Browse latest View live

Foto of kuns? Besluit self!

$
0
0

Foto of kuns? As jy nie kan glo die kunstenaar Kyle Lambert het dié prent van Morgan Freeman met sy vinger op ’n iPad geteken nie, kyk die video.

Die 26-jarige Britse vryskutkunstenaar het 285 000 vingerhale gebruik om die kunswerk te skep en dit het sowat tweehonderd uur geduur om dit te voltooi. Hy het die toepassing Procreate gebruik.

Op sy webwerf verduidelik hy hy het met ’n skoon skerm begin en eers rofweg Morgan se belangrikste trekke vinnig geteken. Daarna het hy sy digitale kwas verklein tot slegs ’n paar spikkels en ingezoem om die fyner detail te teken.

Die hele proses is deur die toepassing opgeneem en ’n vinnige weergawe daarvan word in drie minute op die video gewys.

Kyk die video hier:

Die oorspronklike foto is deur Scott Gries geneem.


Skouspel 2013: Kurt Darren – Seerower

$
0
0

Vanjaar was die 14de Huisgenoot-Skouspelkonsert – met 41 van die grootste Afrikaanse musieksterre wat kragte saamsnoer met lugakrobate, klopdansers, gimnaste, ‘n gehoor en ‘n orkes.

Skouspel 2013: Openingskeurspel

$
0
0

Vanjaar was die 14de jaar van Skouspel – hier is die openingskeurspel

Skouspel 2013: Finale met Laurika en al die kunstenaars

$
0
0

Vanjaar was die 14de Huisgenoot-Skouspelkonsert – met 41 van die grootste Afrikaanse musieksterre wat kragte saamsnoer met lugakrobate, klopdansers, gimnaste, ‘n gehoor en ‘n orkes.

Obama bring hulde aan Madiba

$
0
0

mandDH033-1024x682

Terwyl die wêreld rou oor die dood van oudpres. Nelson Mandela, het die Amerikaanse president, Barack Obama, hulde gebring aan Madiba.

Die staatsman het gisteraand om 20:50 gesterf.

In ‘n regstreekse nuuskonferensie uit die Withuis in Washington het Obama gesê Madiba het meer reggekry as wat ‘n mens van enigiemand kan verwag. “Hy is vandag huis toe.”

Obama het gesê Madiba was vir hom ‘n inspirasie, onder meer vanweë sy verset teen apartheid.

Rus in vrede, Tata

$
0
0

46664 Concert: In Celebration Of Nelson Mandela's Life - Performance

Pres. Jacob Zuma het gisteraand in ‘n regstreekse toespraak bevestig dat oudpresident Nelson Mandela om 20:50 gesterf het. “Dis ‘n oomblik van groot smart. Ons nasie het sy grootste seun verloor.”

Zuma het gesê die 95-jarige staatsman was rustig en vreedsaam toe hy sterf. Hy het bevestig dat Madiba ‘n staatsbegrafnis sal hê.

Huisgenoot dink aan die Mandela-gesin, en rou saam met die res van Suid-Afrika oor die groot verlies.

 

Ons top-10 Madiba-aanhalings

$
0
0

Ouudpres. Nelson Mandela is ’n ware held. Hierdie paar aanhalings herinner ons aan waarom ons – en die wêreld – so lief is vir die man wat ons pragtige land vir altyd verander het.

  1. Opvoeding is die magtigste wapen waarmee jy die wêreld kan verander.
  2. Ek is in wese ’n optimis. Of dit uit oorerwing spruit of aangeleer is, kan ek nie sê nie. Deel van optimisties wees is om jou gesig na die son te rig en jou voete te laat vorentoe beweeg. Daar was vele donker oomblikke toe my geloof in die mensdom deeglik getoets is, maar ek wou en kon my nie aan wanhoop oorgee nie. Daardie kant toe lê neerlaag en dood.
  3. Om armoede te klop is nie ’n welsynsdaad nie; dis ’n daad van geregtigheid. Nes slawerny en apartheid is armoede nie natuurlik nie. Dit is mensgemaak en mense kan dit deur hul optrede oorkom en uitwis. Soms het ’n geslag die keuse om groot dinge te vermag. Jy kan een van daardie mense wees. Laat jou grootheid van gees groei.
  4. ’n Goeie kop en ’n goeie hart is altyd ’n formidabele kombinasie. Maar wanneer jy ’n geletterde tong of pen daarby voeg, dan het jy iets baie spesiaals.
  5. Ons kinders is ons grootste skat. Hulle is ons toekoms. Diegene wat hulle misbruik, skeur aan die weefsel van ons samelewing en verswak ons nasie.
  6. Wrewel is soos om gif te drink en te hoop dit maak jou vyande dood.
  7. Ek is nie ’n heilige nie, tensy jy ’n heilige beskou as ’n sondaar wat aanhou probeer.
  8. Niemand word gebore met ’n haat vir ’n mens met ’n ander velkleur, agtergrond of geloof nie. Mense moet leer om te haat. En as hulle kan leer om te haat, kan hulle leer om lief te hê, want liefde kom natuurliker vir die menslike hart as haat.
  9. Daar is geen passie daarin om tevrede te wees met ’n lewe wat minder is as die een waartoe jy in staat is om te lei nie.
  10. Ek het daardie lang pad na vryheid gestap. Ek het probeer om nie te struikel nie, maar ek het tog foute gemaak. Ek het ook ontdek nadat jy ’n groot heuwel uitgeklim het, wag daar nog baie heuwels. Toe het ek ’n oomblik geneem om te rus, om die pragtige uitsig om my te besigtig, om terug te kyk na die afstand wat ek afgelê het. Maar ek kan net vir ’n oomblik rus, want vryheid gaan met verantwoordelikhede gepaard. Ek durf ook nie sloer nie, want my lang pad is nog nie klaar nie.

Besoek ook:
- Foto’s van Nelson Mandela se lewe

9 goed wat jy moet weet oor Madiba se afsterwe

$
0
0
  1. Madiba het op 5 Desember 2013 om 20:50 vreedsaam in sy huis in Houghton, Johannesburg, gesterf.
  2. Hy was 95-jaar oud.
  3. Die regering en veiligheidsdienste tref nou voorbereidings vir een van die grootste byeenkomste van wêreldleiers wat nog in Suid-Afrika beleef is.
  4. Staatsleiers word binne die volgende paar dae verwag vir die staatsbegrafnis by die Uniegebou in Pretoria.
  5. ’n Gedenkdiens vir die publiek en hooggeplaastes sal binne die volgende ses dae gehou word.
  6. Mandela sal na verwagting in staatsie lê.
  7. ’n Staatsbegrafnis sal waarskynlik by die Uniegebou gehou word met verrigtinge soortgelyk aan dié van ’n presidensiële inhuldiging.
  8. ’n Militêre vliegtuig sal Madiba eindelik na die Mthatha-lughawe in die ou Transkei in die Oos-Kaap vervoer.
  9. Sy familie sal die liggaam in ontvangs neem vir ’n private begrafnis in Mvezo, Qunu, die plek waar Mandela op 18 Julie 1918 gebore is.

Suid-Afrikaners rou oor geliefde Madiba

$
0
0

TERWYL Suid-Afrika en die wêreld rou oor die heengaan van die geliefde oudpres. Nelson Mandela, wend Suid-Afrikaners hulle na sekere bakens om hulde te bring aan die gestorwe liefling van die nasie.

Hoewel die staatsbegrafnis en gedenkdienste in Pretoria sal geskied, is die finale reëlings hieroor nog nie bekend nie. Dit sal binnekort op ’n amptelike regeringswebtuiste aan die publiek oorgedra word.

Die Stad Kaapstad het inwoners aangemoedig om hul medelye met die staatsman se afsterwe by die Burgersentrum en die Kaapse stadsaal te betoon. ’n Interkerklike seremonie word vanmiddag om vyfuur op die Parade gehou.

Inwoners kan hul boodskap aan Madiba in troosboeke in die Burgersentrum of die stadsaal skryf.

Teen vanmiddag het verskeie Kapenaars en besoekers al in die Burgersentrum huldeblyke aan die vader van die Suid-Afrikaanse demokrasie neergepen.

“Rus in vrede, tata. Dankie dat jy my geïnspireer het om enigiets te wees wat ek kan! Jy het my geleer hoe om vorentoe te beweeg en die wêreld te verander. Dankie, Madiba!” het Shauna Williams geskryf.

In sy boodskap skryf Ashley Arendse: “Totsiens tata, jou nalatenskap sal in die land voortleef. Jy het mense wêreldwyd geraak. Ons rou en ons het jou nooit eens ontmoet nie . . . Dit sê als; ons is lief vir jou.”

In Bloemfontein is inwoners aangesê om na die Madiba-standbeeld op Naval Hill te gaan om aan hom eer te betoon, terwyl daar teen vanmiddag steeds ’n groot skare mense buite Madiba se huis in Houghton was.

Skares het ook saamgedrom by die huis in Soweto waarin hy destyds gewoon het. In Pretoria het mense na die Uniegebou gestroom om te treur; dit is ook hier waar sy amptelike begrafnis gehou sal word.

Almari Wessels

Neem vakansie-kiekies met dié kameras

$
0
0

Drie lekker kameras waarmee jy vakansie-kiekies kan neem

Sony DSC-HX300 Kompakte Digitale Kamera

490552493666701
Hierdie kamera met sy kragtige 50 x optiese zoem sal dit laat lyk asof jy sommer baie naby was aan die onderwerp van jou foto. Hoewel dit effens swaarder is as die Nikon en Canon, gaan jy die minste jou sak moet skud. Die hoë resolusie van 20 MP sal ook verseker dat jou foto’s kristalhelder is.

  • R4,299,00
  • Skermgrootte: 3 duim
  • Optiese Zoem: 50 x
  • Megaspikkel-resolusie: 20 MP
  • Gewig: 650 g
  • Afmetings: 129,6 x 93,2 x 103,2 mm
  • 4/5

Koop dit hier:

Nikon P520 Digitale Kamera en 8GB SD Kaart

P520_SL_frt34l_on
Hierdie kamera is omtrent so lig soos ’n veer en weeg net 550 gram. Dit het ook ’n groot skerm waarop jy maklik kan sien wat jy afgeneem het. Dit is die ideale kopie vir ’n tegnologiese vraat omdat dit byna dadelik kan skakel met Facebook en slimfone.

  • R4,399,00
  • Skermgrootte: 3,2 duim
  • Optiese Zoem: 42 x
  • Megaspikkel-resolusie: 18,1 MP
  • Gewig: 550 g
  • Afmetings: 125,2 x 84,1 x 101,6 mm
  • 4/5

Koop dit hier:

Canon Powershot SX50HS Digitale Kamera

871457458647201
Kry ’n aweregse hoek om ’n foto vanuit te neem met hierdie kamera waarvan die skerm losgemaak kan word. Dit het ook ’n Smart Auto-funksie wat die geskikste opsie outomaties kies om die beste fotoresultate te lewer as jy nog ’n amateur is. Hou net in gedagte dat dit die duurste kamera van die drie is.

  • R4,447,36
  • Skermgrootte: 2,8 duim
  • Optiese Zoem: 50 x
  • Megaspikkel-resolusie: 12,1 MP
  • Gewig: 595 g
  • Afmetings: 122,5 x 87,3 x 105,5 mm
  • 3/5

Koop dit hier

Macaroni-en-kaas met tuna

$
0
0

Kikker die ou gesinsgunsteling op met tuna, mosterd en stingeluie.

Genoeg vir 4-6 mense
Bereiding: 15 minute
Gaarmaaktyd: 20 minute

WITSOUS
100 g botter
90 ml meel
750 ml (3 k) melk
sout en vars gemaalde swartpeper
5 ml (1 t) mosterdpoeier

MACARONI EN TUNA
250 g macaroni
30 ml (2 e) olyfolie
8 stingeluie, grof gekap
2 blikke (170 g elk) tuna in olie
100 g mozzarellakaas, gerasper

Voorverhit die oond tot 180 °C.

  1. WITSOUS Verhit die botter in ’n kastrol en roer die meel by tot ’n roux (meelpasta) vorm. Roer dit nog ’n minuut, giet die melk by en klits met ’n handmenger tot ’n dik, gladde sous vorm. Geur met sout, peper en mosterdpoeier.
  2. Verlaag die hitte en laat prut sowat 3 minute of tot gaar. Bedek die sous met kleefplastiek.
  3. MACARONI EN TUNA Kook intussen die macaroni in soutwater volgens die aanwysings op die pakkie en dreineer.
  4. Verhit die olyfolie en braai die stingeluie tot sag. Roer die tuna met die vloeistof by.
  5. Skep die macaroni in ’n oondbak en skep die tunamengsel bo-op.
  6. Verwyder die kleefplastiek van die witsous, roer dit goed en giet oor die tuna. Meng die sous en tuna liggies.
  7. Sprinkel die kaas oor en bak sowat 20 minute of tot gaar

5-Minute-sjokoladepoeding

$
0
0

Genoeg vir 2 mense
Bereiding: 5 minute
Gaarmaaktyd: 3 minute

POEDING
60 ml (4 e) koekmeel
60 ml (4 e) suiker
30 ml (2 e) kakao
knippie sout
1 eier, geklits
45 ml (3 e) melk
45 ml (3 e) olie
45 ml (3 e) sjokoladesplinters
1 ml (¼ t) vanieljegeursel

OPDIENING
Roomys
Kakao om bo-oor te sprinkel

  1. POEDING Neem 2 teekoppies met ’n inhoudsmaat van 250 ml. Skep die helfte van al die droë bestanddele in elkeen van die koppies en meng goed met ’n lepel. Voeg die helfte van die eier by elk en meng goed.
  2. Voeg die helfte van die melk en olie by elk en meng goed.
  3. Voeg die sjokoladesplinters en vanieljegeursel by en meng goed.
  4. Plaas die twee koppies saam in die mikrogolfoond en mikrogolf 3 minute teen 100 persent krag.
  5. OPDIENING Maak liggies om die kante los en keer op 2 bordjies om. Plaas ’n skeppie roomys bo-op elkeen en sif ’n
  6. bietjie kakao oor.

Nico Henning verskyn oor Channelle

$
0
0

Ná byna twee jaar se bespiegeling dat Nico Henning die meesterbrein was agter die moord van sy vervreemde vrou, Chanelle, het hy vanoggend vir die eerste keer in die beskuldigdebank verskyn.

Nico het vanoggend voorgekom in die Pretoriase landdroshof op aanklagte van moord en sameswering tot moord.

Hy is maer en het met ‘n bottel water in die hand gestaan. Hy was geklee in ‘n netjiese donker pak met ‘n streepdas.

Nico se verskyning kom skaars ‘n dag nadat André Gouws in die hooggeregshof in Pretoria getuig het dat Nico hom genader het om Chanelle te vermoor. André en Ambrose Monye is verlede week skuldig bevind aan die moord op 8 November 2011 in Faerie Glen toe Chanelle voor haar seuntjie se kleuterskool doodgeskiet is.

André het getuig Nico het hom R1 miljoen aangebied om Chanelle te vermoor sodat hy permanente toesig oor hul seuntjie kon kry.
Hy het die aantygings oor Nico gemaak ter strafversagting voor die vonnis wat op hom wag.

Nico het homself vanoggend by die Villieria-polisiekantoor aan die polisie oorgegee waarna hy in hegtenis geneem is.

Sy regsverteenwoordiger, adv. P. van Wyk SC, het in die hof gevra dat die saak tot Dinsdag uitgestel word sodat hulle tyd het om voor te berei vir Nico se borgtogaansoek.

Nico sal in die Villieria-polisiekantoor aangehou word tot sy volgende hofverskyning. Ekstra bron: Beeld

- Hilda Fourie

M-Net-kanale vier Madiba se lewe en nalatenskap

$
0
0

Ter herinnering aan ons geliefde Tat, het die M-Net-familie ’n paar veranderinge in hul uitsaaiskedules gemaak om die onvergeetlike en betekenisvolle betowering wat Madiba tot ons lewens bygevoeg het, te vier. Dié kanale is onder meer M-Net, M-Net Series, M-Net Movies en kykNET.

Hier is ’n lys van die veranderinge:

M-Net, M-Net Movies

M-Net 101

Vrydag, 6 December om 19:30 – Carte Blanche spesiale uitsending (vervang Ironside)
Dié uurlange program sal Nelson Mandela se lewe en nalatenskap die afgelope 95 jaar gedenk. Dit is ’n spesiale uitsending wat sal terugkyk oor die wonderlike man se lewe, met unieke onderhoude met onder meer sy vrou, Graça Machel.

Sondag, 8 December om 19:00 – Carte Blanche
In hierdie Sondag se episode van Carte Blanche, voer die span eksklusiewe onderhoude met van Suid-Afrika se prominentste leiers in wanneer hulle eerbetoon bewys aan die nalatenskap van Nelson Mandela.

Sondagaand-lokettreffer, 8 Desember om 20:05 op M-Net 101 en om 20:30 op M-Net Movies Premiere (kanaal 103)

Rise of the Guardians vervang Twilight: Breaking Dawn Part 2 

Oorsig:
Rise of the Guardians (2012) PG
Regisseur: Peter Ramsey
Met:  Chris Pine, Alec Balwin en Hugh Jackman
’n Bose gees prober die wêreld in donkerte te dompel en die mitiese Guardians tot niet te maak. Om die wêreld en die verbeeldings van kinders oral te red, moet die Guardians saamwerk om hom te oorwin.

Mzansi Magic  

Vrydag, 6 Desember om 18:00 –  My top 10 @ 10 Madiba Tribute
Hierdie spesiale episode van My Top 10 @10 spog met Suid-Afrikaanse gaste soos Mfundi Vundla, Yvonne Chaka Chaka en Somizi wat hul mooiste herinneringe aan Madiba deel.

Vrydag, 6 Desember – Madiba-dokumentêr om 23:00
’n Dokumentêre film oor die lewe van Nelson Mandela en sy droom om die nasie te herenig.

kykNET

Vrydag, 6 Desember vanaf 19:30 –  Max oor Madiba
Die Joernalis en politieke kommentator Max du Preez gee ’n kykie na die lewe en era van die legendariese Madiba.

Sondag, 8 Desember om 14:30 –  Mandela Merkwaardige Man
Deel 1: ’n Kykie na die lewe van hierdie merkwaardige man en ’n besoek aan sy tuistes in Qunu en Mqhekezweni. Vriende en familie praat oor sy lewe en inhuldiging as Suid-Afrika se eerste demokraties-verkose president.

Deel 2: ’n Kykie na Madiba se rol as leier, nasie-bouer en vredemaker. Vriende en familie praat oor Madiba se dag-tot-dag lewe, sy liefde vir kinders en persoonlike ervarings. 

Sondag, 8 Desember om 19:30 – So onthou ek Madiba
Bekende mense en akademici wat Madiba ontmoet het deel hul herinneringe.

Maandag, 9 Desember om 19:30 –  Robinson Regstreeks
Opsomming: In die dae net voor Mandela se 92ste verjaardag, het Freek Robinson met van sy vertrouelinge, vriende en invloedryke mense gesels oor rassisme, versoening en sy verhouding met Afrikaans-sprekende Suid-Afrikaners. 

Dinsdag, 10 Desember om 19:30 Rian – Nelson Mandela Spesiaal
’n Samevoeging van Rian se onderhoude oor Nelson Mandela.

Woensdag 11 Desember at 19:30 – Kwêla Spesiaal
’n Spesiale huldeblyk aan Mandela wat sy toespraak by die Klein-Karoo Nasionale Kunstefees insluit.

Vuzu 

Vrydag, 6 Desember om 18:00 – V Entertainment Madiba Special

’n Kykie na vandag se internasionale boodskappe wat instroom vir Madiba; bekendes gee hul 67 minute terug op Mandeladag en Ndileke Mandela praat oor die tyd wat sy saam met haar oupa deurgebring het. Wat uTATA vir plaaslike bekendes vergestalt het…

SABC

Al die programme en advertensies op die SABC-kanale is vir minstens 48 uur gekanselleer. Spesiale uitsendings met huldeblyke aan Madiba sal uitgesaai word.

e.tv

Dié kanaal het ook alle programme gekanselleer en sal eNCA se regstreekse uitsendings oor Nelson Mandela uitsaai en tussendeur argiefbeeldmateriaal van Madiba wys.

Soet boere-kerrie

$
0
0

Genoeg vir 4-6 mense
Bereiding: 10 minute
Gaarmaaktyd: 45 minute

HOENDER
250 ml (1 k) koekmeel
15 ml (1 e) kerriepoeier
sout en peper na smaak
10 hoenderstukke (dye en
boudjies)
3 uie, gekap
2 groenrissies, gekap
375 ml (1½ k) sultanas
SOUS
125 ml (½ k) tamatiesous
125 ml (½ k) blatjang
125 ml (½ k) braaivleissous
125 ml (½ k) waterVoorverhit die oond tot 200 °C.

  1. HOENDER Meng die meel, kerriepoeier en sout en peper en rol die hoender daarin.
  2. Meng die uie, rissies en sultanas.
  3. Skud die oortollige meel van die hoender af en pak lae van die uiemengsel en hoender in ’n oondbak. Eindig met uie.
  4. SOUS Meng al die bestanddele vir die sous en giet oor die hoender. Maak seker die hoender is heeltemal bedek.
  5. Bak die hoender 45 minute of tot goudbruin en gaar.
  6. Sit warm voor met rys en gebakte pampoenskywe.

Wenke
Sny oortollige vet van die hoender af.
Skud die meel goed af en maak seker die hoenderporsies is goed met sous bedek, anders is daar droë meel tussen die lae hoender.


Fliekvlooi: wat in rolprentteaters draai

$
0
0

Die grootste hoofstroomfliek vandeesweek is Ender’s Game (OT G), ’n wetenskapsfiksieprent gegrond op die Orson Scott Card se roman van 1985. Die regisseur is die Suid-Afrikaner Gavin Hood (Tsotsi en X-Men Origins: Wolverine).

Nadat wesens uit die buitenste ruimte die aarde aangeval en byna vernietig het, word gesoek na ’n sterk militêre leier wat kan terugveg wanneer die wesens terugkeer. Kol. Graff (Harrison Ford) is die hoof van ’n akademie waar begaafde kinders van kleins af geleer word om die beste soldate ter wêreld te wees. Jong Ender Wiggin (Asa Butterfield van Hugo) is dalk die een waarna hulle soek, maar hy moet eers ’n uitmergelende opleidingsprogram deurloop.

Dié prent het meestal goeie resensies gekry. Die resensiewebtuiste Rotten Tomatoes het dit 62 persent gegee. Daarvolgens bied die rolprent minder stof tot nadenke as die boek, Ender’s Game. Tog is daar ’n goeie aantal oomblikke van “goed vertolkte, stewig geskrewe wetenskapsfiksie-spanning”. Die Britse rolprenttydskrifte Empire en Total Film verskil wyd van mekaar: Empire se Helen O’Hara het dit net twee sterre gegee. Volgens haar het die vervaardigers baie van die slaggate vermy waarin ’n mens kan trap wanneer jy die boek verwerk, maar ongelukkig ook van die boek se “lewendigheid en pas verloor”. Total Film se Matt Mueller het dit weer vier sterre gegee en noem dit ’n “boeiende uitbeelding van Lord of the Flies-styl moraliteit in ’n verbeeldingryke wetenskapsfiksieverpakking”.

Matthew McConaughey gee sy loopbaan nog ’n hupstoot met Mud (10-12 OT G), waarin hy die rol van die titelkarakter vertolk. Hy is ’n voortvlugtige wat op ’n eiland in die Mississippi skuil, waar twee tienerseuns op hom afkom en hy hulle oorreed om hom die owerheid te help ontvlug.

Die rolprent het byna universele lof gekry. Rotten Tomatoes het dit 98 persent gegee en skryf: “Versterk deur goeie spel van McConaughey, bied Mud ’n boeiende drama wat daarin slaag om innemend te bly en die hart te verwarm sonder dat dit stroperig is”. Empire se Dan Jolin het dit vier sterre gegee en dit beskryf as die geesgenoot van verlede jaar se Beasts of the Southern Wild.

Black Nativity (OT) is ’n moderne musiekrolprent gegrond op die gelyknamige toneelstuk van 1961 deur die swart Amerikaanse sosiale aktivis Langston Hughes. Toe hulle op die punt staan om uitgesit te word uit hul woonstel in Baltimore, stuur ’n sukkelende enkelma (Jennifer Hudson) haar seun (Jacob Latimore) om by haar vervreemde ouers (Forest Whitaker en Angela Bassett) in New York te gaan woon. Daar leer ken hy die ware betekenis van Kersfees.

Hierdie rolprent het meestal gemiddelde resensies gekry. Metacritic het dit 50 uit 100 gegee, en Rotten Tomatoes 54 persent. Laasgenoemde beskryf dit as “goedig en met geloofwaardige spel, maar gebukkend onder die regisseur, Kasi Lemmon, se lomp behandeling van die gevierde bronmateriaal”.

Die kleingoed sal dalk Free Birds (OT G) geniet, hoewel hulle dalk nie die intrige sal verstaan oor die Amerikaanse tradisie van kalkoen eet met Thanksgiving nie. Elke jaar stel die Amerikaanse president een kalkoen vry wat nooit geëet word nie. Vanjaar is Reggie (met die stem van Owen Wilson) die gelukkige geveerde. Maar hy raak betrokke by ’n ander kalkoen, Jake (Woody Harrelson), se verspotte plan om te tydreis na die eerste Thanksgiving en te keer dat die tradisie van kalkoen eet begin. Die rolprent het oor die algemeen swak resensies gekry. Rotten Tomatoes het dit net 18 persent gegee en sê dis “tegnies goed maar kreatief dood”.

Nog ’n week, nog ’n Jason Statham-aksiefliek. In Homefront (16 DTG), nogal geskryf deur Sylvester Stallone, speel die Stath ’n gewese Amerikaanse federale agent wat ná sy vrou se dood saam met sy jong dogter na ’n klein dorpie verhuis. Hy wil net rus en vrede hê, maar hy stamp gou kop met die plaaslike laelak dwelmbaas (James Franco).

Die rolprent is meestal swak ontvang en Metacritic het dit 38 uit 100 gegee. Peter Travers van Rolling Stone het dit een ster gegee en skryf: “Almal is asemrowend sleg, met dialoog deur Stallone wat om ’n ‘mute’-knoppie smeek.”

Vir kunssinniges is daar Jeune et Jolie (ouderdomsperk nog onbekend) – “Jong en Beeldskoon”. Dis ’n tipiese Franse erotiese drama oor ’n 16-jarige meisie (Marine Vacth) van ’n skatryk Paryse familie wat haar maagdelikheid tydens ’n somervakansie verloor. Terug by die huis begin sy as ’n prostituut werk, tot haar ma haar geheim uitvind.

Dié prent word wyd geloof. Empire en Total Film het dit albei vier sterre gegee. Leslie Felperin van Variety noem dit “’n geskakeerde, emosioneel ligte studie van ’n vroegryp jeugdige”.

Sandra Visser

So het Briefie aan Madiba begin

$
0
0

Esmaré Weideman, uitvoerende hoof van Media24 en voormalige hoofredakteur van Huisgenoot, onthou die dag toe sy Madiba die laaste keer gesien het.

Die jaar was 2008, die eerste jaar van Huisgenoot se jaarlikse Liedjieskryfkompetisie, ‘n wedstryd om nuwe talent raak te boor.

“Die resultaat was ‘n roerende ballade aan die nou ontslape staatsman.”

‘n Engelse boervrou van Willowmore, Sandra O’Kelly het ingeskryf in die kategorie woorde sonder musiek, en die formidabele Sarah Theron – net so opgewonde oor die pragtige woorde – het dadelik ingestem om Sandra se “Briefie aan Madiba” te toonset. Die resultaat was ‘n roerende ballade aan die nou ontslape staatsman.

Dit was Willem Breytenbach, destyds uitgewer van Huisgenoot, se idee dat ons Sandra die geleentheid moet gee om Madiba te moet. Willem was destyds Huisgenoot se uitgewer, ‘n man met ‘n groot hart, en ek die redakteur met ‘n kontak of twee in Madiba se kantoor. En Willem was vasbeslote dat Sandra self haar liedjie vir Madiba moet neem.

Ek bel Madiba se assistent, Zelda le Grange (self ‘n groot aanhanger van Afrikaanse musiek), en verduidelik ietwat verleë ons versoek.

Madiba is toe al afgetree, maar nog taamlik gereeld by die Mandela-stigting se kantoor waar hy mense van oor die wêreld steeds te woord staan. Binne ‘n dag is alles gereël. Die enigste voorwaarde: geen foto’s en geen publisiteit nie. En so gebeur dit dat Sandra, Sarah en ek voor Madiba se kantoor sit en wag. Billy-Jean King, die legendariese tennisspeler, kom uit. Dis ons beurt.

Sandra het haar liedjie op pragtige papier laat druk en met ‘n strik vasgebind. Sarah het ‘n handvol CD’s saamgebring. Madiba, helder en fier vir ‘n man van byna 90, groet vriendelik van agter sy ruim lessenaar. Zelda verduidelik hoekom ons daar is en Sandra stap tot by Madiba om haar liedjie vir hom te wys. “Lees dit vir hom,” moedig Zelda haar aan. Sandra kom so tot by die derde reël, toe loop die trane. Die oomblik net te groot.

“Ons het nooit ontmoet nie, maar voordat jy groet.
Wil ek jou iets vra, dis iets wat ek moet . . .”

Sarah kom tot die redding en lees met ‘n sterk stem die woorde:
“Liewe Madiba, ek skryf die vir jou.
Ek weet jy kry briefies soos my een aan jou.
Ons het nooit ontmoet nie, maar voordat jy groet.
Wil ek jou iets vra, dis iets wat ek moet . . .”

Madiba sê baie dankie. Maar nou het hy iets anders op die hart.

“Sê my,” sê hy en draai na my toe. Ons het mekaar gereeld gesien na hy uit die tronk gekom het en ek politieke joernalis was. “Toe ons in die tronk was, was daar hierdie meisie. Hierdie Afrikaanse meisie. Sy en haar boetie het iewers in die sneeu en bittere koue verdwaal. Ek wonder nou al so lank wat het van haar geword?”

Zelda en ek kyk vir mekaar oor die breedte van die kantoor. Hy praat van Racheltjie de Beer, besef ons albei. Vir ‘n paar oomblikke is ons geliefde Madiba terug in ‘n verre verlede. My oë pleit. Wat moet ek sê? Sy skud haar kop liggies, self nie seker nie.

Ek stap tot by Madiba en neem sy hand. “Madiba,” sê ek, so rustig soos ek kan. “Sy is oukei.”

“O, dis goed,” sê hy. Dankbaar en verlig.

Dit was die laaste keer wat ons mekaar sou sien.

So lui die volle lirieke - Briefie aan Madiba, Sarah Theron:

Liewe Madiba, ek skryf die vir jou.
Ek weet jy kry briefies soos my een aan jou.
Ons het nooit ontmoet nie, maar voordat jy groet.
Wil ek jou iets vra, dis iets wat ek moet.
Gee my jou boeie, ek wil dit dra.
Die merke op jou hande, jou vrese jou vrae.
Ek sal dit oppas, dit altyd bewaar.
Eendag met liefde aan my kinders oordra.
Liewe Madiba, jy sal van my hou.
Ek’s lief vir my land en sy mense en sou
so graag wil kom kuier en net met jou praat.
Oor ditjies en datjies en goed uit my hart.
Gee my jou drome, ek wil dit sien.
Die prys so betaal om ander te dien.
Ek sal dit koester die wêreld sal weet.
Jou voorbeeld en liefde sal ons nooit vergeet.
Gee my jou ambag, ek wil dit leer.
Hoe ‘n leier en koning sy mense kan eer.
Ek sal dit beoefen, ek sal dit ken.
Dis teerheid en liefde wat ander kan wen.
Gee my jou drome, ek wil dit sien.
Die prys so betaal om ander te dien.
Ek sal dit koester, die wêreld sal weet.
Jou voorbeeld en liefde sal ons nooit vergeet.
Liewe Madiba, ek skryf die vir jou.
Ek weet daar’s baie briefies soos my een aan jou.
Ons het nooit ontmoet nie, maar voordat jy groet.
Wil ek jou iets vra, dis iets wat ek moet.
Wil ek jou iets vra, dis iets wat ek moet.

Uitgewer: Select Musiek, van Sarah se album Terug Na Jou

Madiba se begrafnisdatum bekend

$
0
0

Oudpres. Nelson Mandela se begrafnis word Sondag 15 Desember gehou. Pres. Zuma het dit vroeër vandag bekendgemaak. “Die amptelike gedenkdiens sal op 10 Desember in die FNB-stadion in Johannesburg gehou word,” het hy aan verslaggewers in die Goudstad gesê.

Zuma het ook gesê daar sal ’n nasionale routydperk van 10 dae wees. Tussen 11 en 13 Desember sal Mandela se oorskot in staatsie lê in die Uniegebou in Pretoria.

“Ons behoort almal saam te werk om die mees gepaste begrafnis te reël vir hierdie wonderlike seun van ons land en die vader van ons jong nasie,” het Zuma gesê. - Sapa

Briewe van Elders: So leef Somali’s

$
0
0

Somali’s is ’n vindingryke en vasberade volk, laat weet ons blogger Rudie Thirion, ’n hulpverlener in dié oorloggeteisterde land. En hulle sal nie sommer die ander wang draai nie . . .

'n Nomade, 'n deftige villa en 'n restaurant in Somalië

NÁ MY eerste blog het iemand gesê hy sou graag meer wou weet van hoe die mense hier in Somalië leef. In ’n neutedop is die antwoord: Ek weet nie regtig nie. Ek beleef die Somali’s as taamlik geslote teenoor buitestanders. Ek kan dus maar net vertel wat ek as buitestaander beleef en waarneem.

Die klans: beskerming én wraak
Ek dink hul geslotenheid teenoor vreemdelinge het meestal te doen met hul eeue lange geskiedenis van ’n nomadiese lewenswyse en dat hul basiese samelewingseenheid die klan is.

Daar is hoof-klans en sub-klans, en dan sub-sub-ensovoorts klans. Toe die Somali’s nog meestal rondgeswerf het, was die klans ’n baie belangrike veiligheidsnet in ’n wêreld wat nie altyd so vriendelik was nie. Die klan het gesorg vir die enkeling se oorlewing en andersom.

Vandag nog speel klans ’n baie belangrike rol in hul lewe. Die klan sorg vir sy lede wat in die moeilikheid beland, beskerm hulle teen onreg en sorg dat hulle in ag geneem word as werkers in ’n streek gewerf word.

As een klan ’n ander se tradisionele weiveld of waterbronne bedreig, sal die bedreigde klan maklik die wapen opneem om sy eie te beskerm. As ’n lid van ’n klan te na gekom word, sal die klan vir hom opstaan. As ’n lid van ’n klan doodgemaak word, is daar ’n ereskuld wat betaal moet word. Dit is die plig van die klan om hul lid se dood te wreek.

Nomades in Somalië

Sommige Somaliërs voer steeds ’n swerwersbestaan.

Dit lyk vir my of die klans en hul kleiner groeperings ’n mate van geslotenheid handhaaf en selfs ander klans met taamlike agterdog bejeën. Dis waarskynlik waarom hulle ook nie so oop is teenoor ons nie-Somali’s nie.

Moet my egter nie verkeerd verstaan nie – Somali’s is vriendelike mense wat vreemdelinge verwelkom. Ek het goeie Somali-vriende en twee van hulle noem my selfs “broer”. Maar daar is ook duidelike perke.

Van superryk tot brandarm
Net soos ander mense het Somali’s ook maar hul klasverskille. Daar is die rykes, die middelklas, die armes en die hulpbehoewendes. Sommige Somali’s is regtig ryk, woon in luukse huise en toer die wêreld vol.

Villa in Borama

’n Deftige villa in die Somaliese stad Borama. Foto: mwanasimba via Compfight cc

Die middelklas-Somali’s woon in gewone huise met gewone meubels, dra gewone netjiese klere, besit voertuie of nie, en verkies om gewone Somali-kos te eet. Hulle besit klein familiebesighede of werk vir groot organisasies of ondernemings. Daar is ook die groter boere in die saaidele van die land.

Somali plase uit die lug

Landerye uit die vliegtuig.

Die armer Somali’s is gewoonlik die arbeiders, straatsmouse, kleinboere en die veeboere wat nomadies of half-nomadies is. Hulle bly dikwels in sinkhuise, huise met takmure en gras- of sinkdakke, of in tradisionele hutte.

Vrugteverkopers op 'n straathoek in Mogadisjoe, Somalië

Straatsmouse in Mogadisjoe

Die hulpbehoewendes is regtig arm mense met niks. Heelwat Somali’s het in die droogte van 2011 alles verloor. Veral die veeboere is die swaarste getref en het niks oor nie. Hulle het dorpe en stede toe getrek, saam met die derduisende ontwortelde Somali’s wat weens die konflik in die land hul blyplekke moes verlaat. Baie dorpe en stede, soos dié wat van die terreurgroep Al-Sjabaab bevry is, is vreedsamer en veiliger en dis waarheen almal getrek het.

Die ontworteldes woon in tradisionele hutte gedek met enigiets wat beskikbaar is, soos stukke plastiek, lap en plastiekseile wat deur hulporganisasies beskikbaar gestel word. Dis hartverskeurend om te sien hoe hierdie arme mense leef.

Die meer gelukkiges woon ook dikwels in tente of sinkhuisies wat voorsien word deur hulporganisasies onder leiding van UNHCR, die VN se vlugtelingagentskap.

’n Kamp vir ontworteldes in Somalië

’n Kamp waar ontworteldes gehuisves word.

Die ontworteldes is in ’n groot mate afhanklik van voedselhulp. Party hulporganisasies hier pak projekte aan waarvoor handearbeid nodig is, en gebruik dan dikwels die ontworteldes om die werk teen kontantvergoeding te doen of soms as deel van ’n kos-vir-werkprojek.

Vindingryke vasbyters
Dis vir my opvallend hoe vindingryk die Somali’s is, en hoe hulle kan vasbyt. Dis waarskynlik ook die gevolg van die eeue oue swerwerskultuur in ’n baie onherbergsame en onvriendelike omgewing met gereelde droogtes en ander uitdagings. Dis die karaktertrek van Somali’s waarvoor ek die meeste respek het.

Oral sien jy maniere waarop mense probeer om ’n paar sjielings te maak. Dit kan ’n tuisgemaakte tafeltjie langs die pad wees met ’n paar pakkies sigarette, lekkers en ander goedkoop-verbruikersgoed op wat verkoop word. Of ’n koolstofie wat eintlik maar ’n metaal silinder op pootjies is waarop ’n ketel kook vir tee met ’n paar bekers en ’n warmfles op ’n tafel.

Besighede in Somalië: matte vleg, winkels, restaurant

Bo word matte gevleg, links onder is winkels en regs onder ’n restaurant.

Nou het ek nog nie vertel hoe Somali’s leef nie. Miskien moet ek maar volstaan met: “Ek weet nie.”

 - Rudie

Rudie Rudie Thirion is ’n oud-kapelaan wat deesdae hulpverlening in Somalië doen. Sy blyhuis is in Pretoria maar hy bring die meeste van sy tyd deur in ’n Verenigde Nasies-kamp in Mogadisjoe. Hy blog vir ons oor sy omswerwinge en wedervaringe noord van die ewenaar.

 

Boer Jan kry sy dekseltjie

$
0
0

Uiteindelik, na weke van uitkyk, uitsoek en soms ‘n uitvalletjie of twee, het Boer Jan uiteindelik sy deksel gekry. En sy spog met ‘n pragtige verloofring.

Viewing all 9424 articles
Browse latest View live


<script src="https://jsc.adskeeper.com/r/s/rssing.com.1596347.js" async> </script>