Gebruik tortillas as basis vir hierdie calzone-pizza sodat die vulsel mooi kan binne bly.
Genoeg vir 4 mense
Bereidingstyd: 5 minute
Gaarmaaktyd: 10 minute
4 tortillas
VULSEL
1 gaar hoender, gepluis
1 x 410 g-blik pitmielies, gedreineer
250 ml (1 k) gerasperde mozzarellakaas
125 ml (½ k) tamatiesous
Voorverhit die oond tot 200 °C.
- Skroei die tortillas op ’n riffelpan indien verkies.
- Vulsel Meng alles en verdeel in twee gelyke hoeveelhede.
- Smeer die een helfte op ’n tortilla, plaas nog een bo-op en pak op ’n bakplaat. Herhaal met die res van die bestanddele.
- Oondbak 10 tot 15 minute tot die kaas gesmelt is en sny in kwarte.
Tortilla-pizzas