Lewer 1 groot brood
Bereiding: 15 minute
Baktyd: ’n uur
Dis een van die lekker klompie resepte wat Hendrik Botha van Jacobsbaai vir ons gestuur het.
sap en skil van 2-3 lemoene
250 ml (1 k) rosyne
1 eier, effens geklits
30 ml (2 e) botter, gesmelt
500 ml (2 k) koekmeel
5 ml (1 t) bakpoeier
2 ml (½ t) koeksoda
2 ml (½ t) sout
125 ml (½ k) suiker
100 g pekanneute, grof gekap
1 lemoen, in skywe gesny
Voorverhit die oond tot 180 ºC. Smeer ’n bakplaat.
- Vul die lemoensap aan met water tot 250 ml indien nodig. Voeg die lemoenskil en rosyne by.
- Meng die eier en botter en voeg by. Meng goed.
- Sif die koekmeel, bakpoeier, koeksoda en sout saam. Voeg die suiker en pekanneute by en meng deur.
- Voeg die lemoensapmengsel by die droë bestanddele en meng liggies.
- Skep die deeg in ’n hopie op die voorbereide plaat, rangskik die lemoenskywe boop en bak sowat ’n uur of tot gaar. (Bedek met tinfoelie as dit te donker bak.)
- Sit voor met heuning, botter en ekstra gekapte neute.