Drie FANTASTIESE nageregte met Peppermint Crisp

Genoeg vir 6 mense
Bereiding: 20 min.
Gaarmaak: 15 min.

2 eiergele
80 ml (⅓ k) strooisuiker
250 ml (1 k) melk
100 g donkersjokolade
250 ml (1 k) room
1 stafie Peppermint Crisp, gerasper
15 ml (1 e) gelatien, gespons in 45 ml (3 e) water

1. Verhit die melk in ’n kastrolletjie tot net voor kookpunt.


2. Klits die eiergele en suiker saam, meng ’n bietjie melk by en voeg dan die hele mengsel by die res van die melk.


3. Roer aanhoudend en verhit tot effens verdik. Verwyder van die hitte en voeg die sjokolade by. Roer tot gesmelt, bedek met kleefplastiek en laat afkoel.


4. Klits die room tot styf en vou die sjokolade-vla en die Peppermint Crisp daarby in.


5. Verhit ’n paar sekondes in die mikrogolf tot net gesmelt. Vou by die sjokolademengsel in, skep in glasies en verkoel tot gestol. Sit voor saam met ekstra geklopte room en Peppermint Crisp-sjokolade.

Lewer 1 middelslaglaagkoek
Bereiding: 20 minute
Gaarmaaktyd: 35-40 minute

KOEK
125 g botter
180 ml (¾ k) strooisuiker
3 eiers
375 ml (1½) koekmeel
12 ml (2½ t) bakpoeier
180 ml (¾ k) klapper
180 ml (¾ k) melk
50 g Peppermint Crisp, grof gekap

SJOKOLADE-VERGLANSING
1 plak (100 g) sjokolade
15 ml (1 e) botter
15 ml (1 e) room
5 ml (1 t) vanieljegeursel
ekstra gekapte Peppermint Crisp vir bo-oor strooi

• Voorverhit die oond tot 180 °C.


• Smeer ’n koekpan van 22 cm.


• Bestuif met meel.

1. KOEK Room die botter en suiker tot lig en romerig.


2. Klits die eiers een vir een by.


3. Sif die meel en bakpoeier oor en vou om die beurt met die melk in.


4. Vou die klapper en Peppermint Crisp in en skep in die voorbereide pan.


5. Bak 35-40 minute tot gaar.


6. Keer op ’n draadrakkie uit en laat afkoel.


7. SJOKOLADE-VERGLANSING Smelt die sjokolade, botter en room saam in ’n glasbak oor kookwater of in die mikrogolfoond. Meng die vanieljegeursel by.


8. Giet oor die koek en laat afkoel. Sprinkel die gekapte sjokolade oor.