Baba gebore met ’n nommer 12 op die voorkop

Suid-Afrikaanse dokters was stomgeslaan nadat ’n baba gebore is met ’n geboortevlek in die vorm van ’n perfekte nommer 12 reg in die middel op sy voorkop.

Dozen the birthmark look odd? Baby born with number '12' on forehead http://t.co/yUi5GBkwuj via @MailOnline

— sarah chapman (@sarahjchapman) March 26, 2015

Klein Hanru van Niekerk van Highlands in Johannesburg is op 22 November gebore met ’n unieke geboortevlek wat ’n mens laat dink hy het dalk ’n dag te vroeg in die wêreld gekom.

Sy trotse ouers was so bly oor sy koms hulle het aanvanklik nie die ongewone merk raakgesien nie berig Netwerk24.

Die nuus het ook wêreldwyd opslae gemaak en talle oorsese publikasies het hieroor berig.

“My jongste dogter was die eerste een wat dit raakgesien het. Sy het gesê daar is ’n 1 en ’n 2 op sy voorkop,” vertel Catherine Jooste, Hanru se oumagrootjie.

Hanru se ouers is volgens berigte nie bekommerd oor die geboortemerk nie, want die dokter het hulle verseker dit sal mettertyd vervaag.

’n Geboortevlek is ’n onreëlmatigheid wat voor of kort ná geboorte op die vel verskyn. Afhangend van die soort vlek word dit veroorsaak wanneer bloedvate nie behoorlik vorm nie of om ’n spesifieke plek op die vel vergader en ’n duidelike merk laat.

Geboortevlekke is nie seer nie en raak gewoonlik mettertyd dowwer of verdwyn heeltemal.
 

Bronne: Netwerk24, citizen.co.za, mirror.co.uk, kidshealth.org