Die amptelike aftellingshorlosie van die Wêreldbekersokkertoernooi in Rio de Janeiro het gaan staan.
Hoewel dit minder as 11 maande is voor die begin van volgende jaar se toernooi, wys die horlosie daar is nog 365 dae oor. Die horlosie is by die Copacabana-strand opgestel.
Die Hublot-oorlosie staan sedert die pous se besoek aan Rio ’n paar weke gelede. Miljoene mense het tydens sy besoek misdienste op die bekende strand bygewoon.
Plaaslike organiseerders het Donderdag in ’n verslag gesê hulle weet van die fout en dat “die maatskappy wat die horlosie moet onderhou die tegniese probleem binnekort sal regstel”.
Daar was allerweë kommer oor Brasilië se gereedheid vir die sokkertoernooi, want daar was vroeër van jaar baie vertragings met die voorbereidings vir die Konfederasiebeker.
– Sapa
