Genoeg vir 4 mense
Bereiding: 5 minute
Gaarmaaktyd: 20 minute
50 g botter
500 g jong preie, in stukkies gesny
300 g hoenderborsfilette, in repies gesny
sout en peper na smaak
100 g knoffel- of salamiworsies, in ringe gesny (opsioneel)
150 g sampioene, in skyfies gesny
60 ml (¼ k) goeie mayonnaise
1 pak (500 g) fettuccinepasta, tot al dente gekook
pietersielie vir bo-oor sprinkel (opsioneel)
- Smelt die botter in ’n groot pan en braai die preie tot sag en gaar.
- Geur die hoender met sout en peper en roerbraai tot net gaar.
- Voeg die worsieringe en sampioene by en roerbraai tot die sampioene sag en gaar is. Roer die mayonnaise by.
- Sit voor met die pasta en sprinkel pietersielie oor indien verkies.
WENK
Pleks van worsies kan jy spekvleis gebruik.