Vyf kreatiewe maniere om lae lig te skep wat by jou ruimte pas

Met die kies van beligting moet jy die doel daarvan in ag neem – die vermoë om die luim aan te vul wat jy in die ruimte wil skep en spesifieke kenmerke of stellingmeubels te beklemtoom. Dis ook belangrik om te dink oor wat jy in die vertrek gaan doen en hoe die beligting gebruik sal word. Hier is die hooffunksies van beligting om te oorweeg wanneer jy ligte vir jou ruimte koop:

• 1
• 2
• 3
• 4
• 5

« »

1. Stemmingsbeligting

Dit staan ook as algemene beligting bekend en voorsien ’n gebied van algehele verligting. Dit is óf die natuurlike lig deur jou vensters óf die lig wat as plaasvervanger vir natuurlike lig dien. Dit straal ’n gemaklike vlak van helderheid uit wat jou in staat stel om veilig van plek tot plek te beweeg. As die hoofbron van lig, sal dit kandelare, plafon- of muurtoebehore en versonke of spoorligte insluit.
Foto’s oorgespeld van: improvisedlife.com en houzz.com

2. Taakbeligting

Dit is aanvullend tot algemene beligting en maak voorsiening vir meer gespesialiseerde take soos lees of kosbereiding. Taakbeligting werk die beste wanneer dit saam met algemene beligting gebruik word. Voorbeelde daarvan is onder meer lessenaarlampe, onderkabinetbeligting soos fluoor- of LED-ligte en leesligte bo ’n bed.
Foto’s oorgespeld van: jenniferpricestudio.com en numberfoureleven.blogspot.com

3. Aksentbeligting

Aksentbeligting verleen drama en interessantheid aan ’n vertrek. Dit word gebruik om die oog na spesifieke areas of teksture te trek. Daarvoor benodig jy minstens drie keer soveel ligte as wat jy vir algemene beligting sou gebruik het. Voorbeelde van hierdie soort beligting is onder meer versonke, kol- en spoorligte en muurblakers of fotoligte.
Foto’s oorgespeld van: remodelista.com en Kathleen Jacobson

4. Kinetiese beligting

Dis beligting wat “beweeg”. Voorbeelde hiervan is ’n brandende kers of aangesteekte kaggel. Hierdie soort beligting gee ’n plek warmte en stemming. Daar is eindelose maniere hoe jy kerse kan uitstal, van teeliggies in flesse en hangende glasbakke tot houttafelhouers.
Foto’s oorgespeld van: tarzmeselesi.net en flickr.com

5. Dekoratiewe beligting

Maak ’n stelling oor jou individuele styl en beïnvloed die luim van die ruimte. Hierdie soort beligting word dikwels in ’n ingangsportaal, eetkamer of slaapkamer gebruik. As algemene reël moet dekoratiewe beligting altyd kan verdof.
Foto’s oorgspeld van: Life Love and CZ en Barbara Quast Interior Design

Hou dus die doel van beligting in gedagte wanneer jy finaal besluit. Probeer ’n laag-op-laag-effek skep met die verskeie beskikbare beligtingsmoontlikhede. Al die keuses maak die proses dalk vir jou oorweldigend en verwarrend. As jy twyfel, kry die hulp van ’n beligtingskenner.

Deur Renée De Waal

Interior Creators bied ’n aanlyn spesialisbinneversieringsdiens vir huise, kantore en winkels, met die klem op die selfdoen- en -selfkoop-tendens. Interior Creators bied ook toegang tot produkte en diensverskaffers sodat kliënte self kan kies watter afwerking en meubels, nuut sowel as opgeknap, hulle verkies.