Genoeg vir 4 mense
Bereiding: 15 minute
Gaarmaaktyd: 20 minute
100 g botter
15 ml (3 e) olie
1 ui, in blokkies gesny
3 knoffelhuisies, fyn gekap
5 ml (1 t) anyssaad
8 varkworsies, gehalveer
80 ml (1/3 k) vars tiemie
4 gaar aartappels, in stukke gesny
200 g babaspinasie
sout en peper
- Verhit die botter en olie in ’n pan. Braai die ui en knoffel daarin tot die ui deursigtig is.
- Voeg die anyssaad by en braai sowat 3 minute.
- Voeg die worsies by en braai tot gaar.
- Voeg die vars tiemie en aartappel by en braai sowat 5 minute tot warm.
- Voeg die spinasie by en meng deur. Verhit tot die spinasie effens verlep het.
- Geur met sout en peper indien nodig en sit voor.